أول رد رد رسمي من الأهلي على تأخر صفقات يناير

أكد محمد الدماطي، عضو مجلس إدارة النادي الأهلي، إن الفوز اللي حققه الفريق على استاد أبيدجان الإيفواري بنتيجة 3-1 في الجولة الخامسة من دور المجموعات بدوري أبطال إفريقيا كان خطوة مهمة جدًا في مشوار الفريق بالبطولة.

وقال الدماطي في تصريحات تليفزيونية: “احنا جمعنا 3 نقاط مهمة في المرحلة دي، وإن شاء الله هنعمل كل اللي نقدر عليه علشان نحقق كل طموحات جمهورنا، جمهور الأهلي دايمًا متعطش يشوف فريقه في أفضل صورة وأي مكان.”

وأضاف: “إن شاء الله الوضع هيكون أحسن بعد التدعيمات اللي بنحاول نكملها في فترة الانتقالات الحالية، التأخير في إعلان الصفقات بسبب ظروف خاصة، لكن احنا شغالين على قد ما نقدر علشان نحقق اللي عايزه الجمهور.”

واضاف : “حققنا بطولات كتير في السبع سنين اللي فاتوا، وممكن كان في فترات مستوى الفريق مش زي ما كنا متعودين، بس دايمًا كنا بنشتغل علشان نرجع أقوى. واثقين إن التدعيمات الجديدة هتخلي الفريق أقوى في المستقبل.”

وتابع : “جمهور الأهلي دايمًا طموح، وإحنا بنشتغل على قد الطموحات دي، شاركنا في كأس العالم للأندية أكتر من مرة، وده زود من تطلعات جمهورنا للوصول للنهائي في المستقبل.”

واختتم: “مجلس الإدارة بيشتغل بكل جهد علشان يخدم جمهور الأهلي والجمعية العمومية، جمهورنا مش بس مهتم بكرة القدم، بل بكل الألعاب، وإحنا ملتزمين نلبي كل المطالب دي ونبذل كل جهد لتحقيق أهداف النادي وإسعاد جمهورنا.”