مهيب عبدالهادي يهاجم كولر بسبب إمام عاشور بعد عقوبة الأهلي ضده!!! – الهداف

هاجم الإعلامي مهيب عبد الهادي، السويسري مارسيل كولر، المدير الفني للأهلي، بسبب إمام عاشور لاعب الفريق، رغم توقيع غرامة مليون جنيه ضده بعد خناقته مع محمد الشناوي قائد الاحمر.

وقال عبدالهادي، خلال تصريحات تليفزيونية ببرنامج “اللعيب”، عبر قناة “mbc مصر”:” كهربا راح لامام عاشور البيت علشان بيعرف يتعامل معه”.

وأردف:” اي حد بيتخصم منه اكيد بيزعل، كل مشاكلنا في الملاعب، بسبب تدريب اللعيبه بعد المباراة الشراره من هنا، بتبقى متشافه للصحافه والاعلام، طفي للنور ومشي الناس، ياجماعه غلط دخلهم جيم “.

وأشار عبد الهادي:” نجم قاعد على الدكة بيهزر وبيضحك، لاعب بروفيشنال في انتظار يلعب ملعبش، ليه مبنقدرش شعور الناس، ليه ندبحه، واحد ملعبش وزعلان، وبطالبه يتمرن، اللاعب اللي بيستبدل بيضايق”.

وتابع: “سيادتك ايه اللي هيفيد تدريب 10 دقائق بعد الماتش، ده السبب في حدوث اي مشكله، تعالى يامام ادرب مش قادر وزعلان، بعدها عقوبه وغرامة”

وأضاف عبد الهادي:” اللي بيخطئ بيتعاقب واخد مليون جنيه واستبعاد، اومال بتقول دكتور نفسي ليه، نفسيه اللاعب مهمه، تخيل لاعب دولي عاوز يعوض ركلة الجزاء اللي ضيعها وملعبش، الضغوط على امام عاشور كبيره جدا، كل شويه امام عنده مشكله، في الاخر ده ولد 25 سنه”.

وأتم:” انا مش فاتح البرنامج ادافع عن إمام، الاساطير ضبعوا ضربات جزاء فيها ايه يضيع ركلة جزاء، كابتن شناوي احتوي اللعيبه واتكلم بالراحه، في لعيبه مبتجيش باسكت”.