شوبير يكشف عن تفاصيل أزمة لاعب كفر الشيخ الصحية

كشف الإعلامي أحمد شوبير حارس مرمى الأهلي ومنتخب مصر السابق تطورات حالة لاعب كفر الشيخ محمد شوقي الذي تعرض لأزمة صحية طارئة وتوقف قلبه خلال مباراة فريقه أمام القزازين في دوري المظاليم.

وقال أحمد شوبير: «الحقيقة كل يوم بتصل برئيس نادي كفر الشيخ عبدالحميد مصطفى، واللي قال لي إن عربية الإسعاف في الملعب لم تكن مجهزة ولم يكن بها جهاز صدمات كهربائية، رغم إن مراقب المباراة بيقول عكس كده وبيقول العربية كانت مجهزة».

وتابع شوبير: «الحقيقة الحالة شديدة الصعوبة وحرجة جدا طبعا كل حاجة بإيد ربنا عز وجل لكن من كل الماتشات اللي في مصر دي ممكن مباراة يحصل فيها حاجة، يا جماعة هو اللي نبات فيها نصبح فيه، هو عشان نجامل المسؤول نقعد نزوق فيها من هنا ومن هنا عشان نخلي المسؤولية، ده كمان رئيس نادي كفر الشيخ قال لي لو عايز أصور لك اللي كان موجود في العربية».

وأضاف شوبير: «تاني هو فيه أيه أنا قلت الحل بمنتهى البساطة اتفاق بين اتحاد الكرة ووزارتي الرياضة والصحة وشوف القصة يخصموها من مستحقات الأندية بس إحنا مبنتعلمش، سخنا مع موضوع أحمد رفعت وبعد كده نمنا».

 واختتم شوبير: «يا جماعة ده نجم الدنمارك إريكسين مات وصحي قدامنا على الهوا في بطولة كاس الامم الاروبية وده عشان اشتغلوا معاه صح، ماهو لازم نكلم ونقول يا إما ملوش لازمة نطلع ونكلم ونحكي».