أخذت 3 حبات منوم دون استشارة الطبيب!! كهربا يكشف مفاجأة صادمة بعد مباراة باتشوكا

كشف محمود عبد المنعم كهربا، مهاجم النادي الأهلي، لأول مرة عن تفاصيل معاناته النفسية بعد الهجوم الشديد عليه من جماهير الفريق عقب مباراة باتشوكا في كأس العالم للأندية، مؤكداً أنه شعر بالضغط الشديد لدرجة التفكير في الانتحار.

وقال كهربا: “بعد ماتش باتشوكا، اللعيبة كلها أخدت موبايلاتي ومسحت كل التطبيقات بسبب الشتايم والهجوم عليا. كنت حاسس إن القيامة قامت ولا إيه. اللعيبة كلها كانت جمبي في الأوتيل وساعدوني، لكن كنت عاوز القيامة تقوم من كتر الزعل. ولحد دلوقتي مش قادر أتعافى من اللي حصل.”

وتابع كهربا: “خدت منوم كتير في اليوم ده، خد 3 أقراص ومحدش كان يعرف ولا حتى الدكتور. كنت عايز أنام ومش أصحى، قفلت الأوضة عليا وضلمتها وكلمت أهلي. قلت يارب ما أصحي، كان الموضوع صعب جدًا عليا لدرجة إنني فكرت في إنهاء حياتي في اللحظة دي. لكن الحمد لله، الحمد لله إن الموضوع مش ضغط زي ما كنت مفكر.”

وأضاف كهربا: “كنت زعلان غير طبيعي، عمري ما هزعل زي الزعل ده تاني، لأنني كنت عايز أفرح جمهور الأهلي وأعملهم حاجة حلوة. تاني يوم صحوني، وكان الموبايل مليان فوق الـ10 آلاف رسالة. التليفون كان بيهنج ويفتح ويقفل، وكان فيه شتايم مرعبة وآلام مؤلمة.”

وتحدث كهربا عن ركلة الجزاء التي نفذها، قائلاً: “أنا كنت في الترتيب اللى عمله مستر كولر، وهو اللي كتب الترتيب. أما بالنسبة لإمام عاشور، هو ما كانش موجود في الترتيب، وأنا كنت داخل أشوط في النص، لكن الكرة راحت في مكان تاني، معرفش إزاي.”

شاهد الفيديو