مصطفى العش أولى صفقات الأهلي؟ سيف زاهر: مفيش صفقة

كشف الإعلامي أحمد سيف زاهر عن حقيقة تفاوض الأهلي مع مصطفى العش لاعب نادي زد وحقيقة انتهاء الصفقة للمارد الأحمر.

وقال سيف زاهر المسئول بزد والإعلامي بقناة اون تايم سبورتس:  مصطفى العش؟ هل الصفقة تمت بالفعل للأهلي؟ كل اللي حضرتكم قريتوه حتى وانا بكلم حضرتكم مفيش أي حاجة عن مصطفى العش ممكن يكون جس نبض مصطفى العش اخباره ايه؟ لعيب كويس؟ فيه نية”.

وتابع: مصطفى العش عنده عرض كبير من دوري عربي ومسئولز زد فوجئوا ان كل المواقع كاتبة ان الصفقة انتهت 3 سنين ونص، وعلاقتنا بالأهلي تعاون وعلاقة كبيرة وفيه اولوية للأهلي في حاجات كتيرة مع زد.

وأضاف: هل الأهلي طلب؟ هل فيه 3 سنين ونص؟ مفيش ولا كلمة حصلت مفيش صفقة بكرة مصطفى العش هيركب الأتوبيس ورايح يلعب مباراة الكاس مع زد عادي جدا.

وأشار: “بكرة وبعده بعده ممكن يبقى فيه حاجة؟ وارد علاقات طيبة بين مسئولي زد وكابتن الخطيب الأهلي له أولوية عشان وقفوا جنبه في عدد لعيبة كبار، هل حصل تفاوض؟ مفيش حديث مفيش صفقة وعارف ان فيه اعلاميين كبار طلعوا وأعلنوا القصة بس مفيش صفقة ودي الحقيقة”.