شوبير يكشف عن تفاصيل الحديث المنتظر بين كولر والخطيب بعد خسارة بلوزداد

كشف الإعلامي أحمد شوبير، حارس مرمى النادي الأهلي ومنتخب مصر السابق، حقيقة ما يتردد في الآونة الأخيرة حول رحيل السويسري مارسيل كولر عن تدريب الفريق الأول لكرة القدم بالنادي الأهلي.

وقال أحمد شوبير: اللي بيدور داخل النادي الأهلي بكل وضوح محدش هيقرب من كولر خالص مفيش حاجة دلوقتي اسمها يمشي هما عندهم ثقة كبيرة في الراجل وفي إنه قادر على العودة من جديد للنتائج الجيدة.

وتابع: هيبقى فيه كلام كثير جدا مع كولر في اليومين الجايين من قبل كابتن الخطيب، خاصة بالأمور الفنية في مباراة بلوزداد الأخيرة، يعني ليه لعبت كريم الدبيس جناح أيمن وفيه عندك بيرسي تاو .

واختتم:  الخطيب هيجيب مستر كولر وهيبقى فيه كلام كثير معاه يعني برضه ليه لعبت خالد عبدالفتاح باك يمين وفين مروان عطية وما علمته إن رجيله كانت واجعاه شوية ولذا فضل الجهاز الفني عدم المخاطرة به، كمان حتة مشاركة كهربا وبيرسي تاو في الوقت الضائع هيعملوا أيه .