سيد عبد الحفيظ: مكنش ينفع تلعب ماتش بلوزداد بـ 3 لاعبين وسط هجومي

كشفسيد عبدالحفيظ مدير الكرة السابق في النادي الأهلي، عن رأيه في توظيف بعض اللاعبين في مباراة الأهلي وبلوزداد الجزائري والتي انتهت بخسارة الأهلي”.

وأكد سيد عبدالحفيظ، في تصريحات تليفزيونية عبر شاشة “إم بي سي مصر 2”: “النتيجة وحشة جدا ، توقيت جول صعب أوي واداء الاهلي على المستوى الدفاعي لو كان خرج النتيجة بالشكل ده كنا قلنا قدم مباراة دفاعية”.

وتابع: ” المدرب دايما بيبقى عنده الميزة الأكبر في توظيف اللعيبة في الاماكن المظبوطة، ومعتقدش في المباراة اللي زي دي مينفعش مروان ميبقاش في التشكيلة الاساسية ، إن أحسن رقم ستة في مصر ميبقاش موجود كان صعب خصوصا ان بتبقى محتاج حد يمسك الكرة كويس”.

وأضاف: “اللاعيبة اللي كانوا في وسط الملعب بيلعبوا كلهم تمانية وكولر اللي أقر ان كلهم بيلعبوا بشكل هجومي، أخطر حاجة حتة في مباراة الـ 6 ناحية الشمال عندهم وكان طبيعي يلعب أكرم باك يمين، وتوقيت الجول اللي دخل يزعل جدا وهو استمرارا لحالة مش أحسن حاجة الفترة الأخيرة”.