مبلغ خرافي .. الغندور يهاجم كولر ويكشف قيمة راتبه

فجر الاعلامي خالد الغندور مفاجأة من العيار الثقيل حول مباراة الأهلي وانبي في سابع جولات بطولة الدوري الممتاز.
وتعادل فريق الكرة الأول بالنادي الأهلي بقيادة السويسري مارسيل كولر مع نظيره فريق انبي سلبيا في سابع جولات بطولة الدوري الممتاز.

وقال خالد الغندور عبر برنامجه:

انتوا عارفين كولر مدرب الأهلي ده بياخد كام في السنه؟
الناس بس تطلع تتكلم على زيزو وطالب كام ومش كام .. رغم أن معروف أن راتب اللاعب دايما أعلى من المدرب.

تابع: كولر بياخد ما يوازي 150 مليون جنيه في السنه الواحده بس وراتبه كمان غير المكافآت لو كسب افريقيا فيها ثلاث شهور ولو كسب الدوري فيها شهرين ولو كسب الكأس شهر وغيرها يعني بياخد ارقام كبيره جدا جدا جدا .

أضاف: ويجيي لما يتعثر ويتعادل مع إنبي معنديش صفقات.. ده النادي الاهلي اغنى نادي في مصر وفي أفريقيا ومعموله استقرار مالي مفيش راتب بيتأخر لحد واطلب لبن العصفور تلاقيه.

استطرد: ده النهارده إنبي كان بيلاعب لعيبه مواليد 2006 وبيلعب لعيبه شباب من قطاع الناشئين اصلا.

واختتم حديثه قائلا: كولر لما يتعثر دايما يطلع يتحج بأي حجه مره يقولك أنا معنديش مهاجم قبل ما يجبوله وسام ابو علي اللي افضل كوالتي دخل مصر ولكن هو كل شويه يتحج بالصفقات.