حازم إمام يوجه رسالة قوية لـ حسام حسن بعد تصريحاته المُثيرة للجدل! فيديو

وجه حازم إمام، نجم الزمالك السابق، نصائح لـ حسام حسن المدير الفني لمنتخب مصر، بعد تصريحاته الأخيرة عقب التعادل مع بوتسوانا في تصفيات أمم إفريقيا.

وقال حازم إمام عبر إذاعة “أون سبورت إف إم”: “مشكلة كابتن حسام حسن في تصريحاته قبل أو بعد المؤتمر الصحفي دايما بيبقى في كلام يخلي الناس ترد وتعلق”.

وتابع: “يعني امبارح قال ان ده افضل اداء للمنتخب من وقت الجوهري، فيخلي الناس ترد عليه وده يقول حاجة وده يقول حاجة تانية مش عاجبها وفي ناس مش عاجبها كلامك عادي”.

وأضاف: “هي القصة مش عشان انت ماسك، هي الناس بتنتقد عادي ايام فيتوريا اتقال نفس الكلام وايام كيروش بيقال كده، فأنت مينفعشي تقعد ترد على الناس كل شوية”.

وأردف: “اشتغل يا كابتن حسام واعمل شغلك وبتكسب، وسيبك من رد فعل الناس لانك مش هتعرف تغير رأي حد”.

واستكمل: “كل واحد برا بيشوف الموضوع بنظره مختلفة، يعني كابتن حسام قبل ما يمسك كان بيقول على مجموعة مصر ايام فيتوريا سهله، لكن لما بقى في موضع مسؤولية نظرته بتختلف، لانك مسؤول بتشيل هم النتيجة”.

واختتم: “فصدقني يا كابتن حسام، اتكلم عن الامور الفنية والماتشات نفسها متتكلمشي خارج الماتش وترد على حد لانك مش هتوصل لحاجة”.