حسام حسن: كنت أتمنى اللعب في المحلة أو الإسماعيلية.. وعواد والمهدي يدعمان شوبير

تحدث حسام حسن مدرب منتخب مصر، عن مباراة بوتسوانا، وختام منافسات التصفيات المؤهلة لبطولة كأس الأمم الإفريقية.

وكان منتخب مصر أنهى مشواره في التصفيات الإفريقية بتعادل صعب أمام بوتسوانا بهدف لمثله، مساء اليوم، على ملعب الدفاع الجوي.

وكان منتخب مصر ضمن رسميا التأهل إلى نهائيات أمم إفريقيا قبل جولتين على النهاية، ورافعه منتخب بوتسوانا اليوم بعد وصوله إلى 8 نقاط.

وقال حسام حسن في تصريحاته عقب المباراة: “كنت أتمنى أن شوبير ياخد فرصة مع الأهلي في ماتش أو اتنين، وهو كان بيتمرن كويس معايا عشان كدة أخد فرصته، عواد والمهدي كان روحهم كويسة وكلهم كانوا بيساندوا بعض لأي حد يلعب، لو النتيجة كانت كويسة كنت عامل حسابي أن في اتنين حراس هيلعبوا الماتش دا كل واحد شوط”.

وواصل: “إحنا في مصر بنحاول نقلل من بعض، الأندية المصرية لما بتلعب ضد أندية الجيش الرواندي وسيمبا ونادي سيد الليبي بيقولوا عليهم مجموعة صعبة ولما يجي المنتخب يلعب الناس تقلل من المنتخبات المنافسة في المجموعات”.

وأضاف: “ستاد القاهرة دا بتاع منتخب مصر مش بتاع الأندية، محدش كلف نفسه وجيه سألنا انت محتاج ستاد القاهرة ولا لأ، دا محدش عمل حساب الماتشات الدولية، مفروض قبل ما تقفله تسأل الأول وتفكر في منتخب مصر”.

وتابع: “كنا عاوزين نلعب ماتشات المنتخب في المحلة والإسماعيلية علشان الجمهور بتاع المحافظات من حقه يشوفنا ولكن اكتشفنا أن ملعب المحلة مش مبعوت ضمن الملاعب الدولية في الفيفا وبطولة الشباب بتتلعب ماتشات في الإسماعيلية والفنادق هناك مليانة”.

حسام حسن: زمان كان الجمهور بيجيي يحضر ماتشات منتخب مصر او اهلي وزمالك واندية حتي لو عندهم شغل تاني يوم كانوا بيجيوا، دلوقتي المدرجات فاضية خالص، ومفيش جمهور بيحضر ولما بنلعب في استاد القاهرة مفيش جمهور بيجيي اصلا مش فاهم الموضوع ده هيتحل امتي