كهربا يفتح النار على كولر ويفضح المجاملات داخل الأهلي !!

في تصريحات مثيرة، تحدث محمود عبد المنعم كهربا، مهاجم النادي الأهلي، عن وضعه في الفريق والعلاقة التي تجمعه بمدرب الفريق مارسيل كولر، خاصة بعد التعاقد مع المهاجم الفرنسي أنتوني موديست.

وقال كهربا: “كنت ماشي كويس مع الأهلي وكل الأمور كانت تمام لحد ما كولر جاب موديست. من وقتها، بدأ يفضّل موديست عليّا، رغم إني كنت بتمرن كويس وبساعده كتير. أنا عاطفي بطبيعتي ونفسيتي أهم حاجة عندي، وابتعادي عن المشاركة كان بدون سبب واضح.”

عن التمرينات وتأثيرها
وأضاف: “أنا من نوعية اللاعيبة اللي الماتشات بتجيبها، مش التمرين. جسمي مش بيستحمل الضغط البدني المستمر؛ لو دوست بدني كتير ممكن أتعرض للإصابة. كنت بتمرن كويس جدًا، لكن كنت محتاج فرصة في المباريات لإثبات نفسي.”

علاقته مع كولر
وتابع كهربا: “اتكلمت كتير مع كولر وحاولت أوصل له وجهة نظري، لكن كل مرة نتكلم يروح لمواضيع تانية. كان يقولي دايمًا: ‘اتدرب كويس’. بصراحة، علاقتي مع كولر اتغيرت بعد موديست، وكنت أتمنى يلعبني حتى ربع ساعة في المباريات اللي كنا بنكون كسبانين فيها، لكنه مش شايفني.”

تعليق كولر أمام الإعلام
واستطرد: “اللي زعلني أكتر لما كولر طلع في الإعلام وقال إني رقم 3 بالنسبة له. حاجة زي دي كان ممكن يقولهالي لوحدنا، لكن لما يقولها قدام الناس كلها، دا بيجرحني. صحيح أنا قلتله إني موافق واحترمت رأيه، لكن الكلام دا أثر عليا جدًا.”

تجاوز الموقف
وختم كهربا حديثه قائلًا: “أنا شخص بنسى الحاجات دي بسرعة وبحاول أعدي، لكن في وقتها كان الوضع صعب عليا. كولر ساعدني كتير في أوقات سابقة وأنا بقدر ده، لكن كنت أتمنى إنه يتعامل معايا بطريقة أفضل في الفترة دي.”

شاهد الفيديو