هاني حتحوت يفتح النار على مترجم كولر في الأهلي بسبب إمام عاشور
شكرًا لكم على متابعة هاني حتحوت يفتح النار على مترجم كولر في الأهلي بسبب إمام عاشور وللمزيد من التفاصيل
فتح الإعلامي هاني حتحوت، النار علي مترجم السويسري مارسيل كولر، المدير الفني للأهلي، بسبب فبركة تصريحات على لسان المدرب عن إمام عاشور لاعب الأحمر.
وقال حتحوت، عبر برنامج “الماتش” على قناة “صدى البلد”
:” بعد اللي حصل امبارح في مؤتمر كولر بعد لقاء اورلاندو من المترجم.. قولت ارجع لورا شويه وأشوف الكلام اللي كان بيترجم قبل كده”.
وأضاف: “خدت فيديو للمؤتمر الصحفي بعد فوز الأهلي على الجونه، لصديق يتحدث اللغة الالمانية”.
وأستطرد حتحوت:” واحنا بنسمع المؤتمر جيه في حته قالي وقف وقف، كولر مقلشي كده عن إمام عاشور، قالي إن تصريح كولر بأن إمام عاشور يمتلك مهارات لا يمتلكها اي لاعب في مصر، كولر مقالهاش “.
وزاد:” كولر اشاد بإمام عاشور وطالبه بالاستمراريه ولكن المترجم جيه في الاخر واضاف كلام مش عنده مقلهوش كولر”.
وواصل حتحوت: “هل المترجم قال الجمله دي من قناعه شخصيه ليه بإمام عاشور والكل بيشيد فجود من عنده”.
وأكمل:” ليه قال كده؟ هو عادي يعني علشان الناس مش فاهمه، لا في ناس بتفهم ألماني ليه تصدر صورة خاطئه عن المدرب للإعلام في تجويد للتصريحات”.
وأتم:” أنا مش ضد اللي قاله عن إمام عاشور أنا شايفه يمتلك مهارات كبيره بس القصد أنت ليه تنسب كلام للمدرب متقلشي “.
شاهد:
إتبعنا
