شوبير يهاجم مسؤولي الزمالك بسبب ميشالاك.. تفاصيل

وجه الإعلامي أحمد شوبير رسائل نارية إلى مسؤولي نادي الزمالك بسبب صفقة البولندي ميشالاك القادم من أحد السعودي.

وقال شوبير في تصريحات إذاعية: “الحقيقة يا جماعة قصة اختيارنا للاعبين الأجانب غريبة شوية، يعني مثلا في الزمالك، اللاعب اللي كان جاي من فنزويلا اللي مش فاكر اسمه ده سامسون مقدمش حاجة وفلوس كثير والزمالك ما استفدش منه حاجة، نداي مثلا، وعندك في الأهلي والتر بواليا وموديست وأخيرا ميشالاك في الزمالك”.

وأضاف: “كان المسئول عن المفاوضات مع ميشالاك أحمد سليمان عضو مجلس إدارة نادي الزمالك، بس المشكلة إنك عشمت الناس وقولت ده هيغير شكل الكورة في مصر والزمالك”.

وواصل: المهم اللاعب جه ولم يوفق والزمالك بيحاول يرجعه دلوقتي لنادي أحد اللي رد وقال إن اللاعب لم يحصل على مستحقاته، طيب عشان يمشي ميشالاك دلوقتي عايز باقي مستحقات عقده 700 ألف دولار، وعشان كده بتمنى ناخد بالنا عند توقيع العقود مع اللاعبين والبنود اللي موجودة فيها”.