أحمد سليمان: لاتوجد خلافات بين شيكابالا وناصر منسي.. والجزيري مستمر في الزمالك – الهداف

تحدث أحمد سليمان، عضو مجلس إدارة نادي الزمالك والمشرف العام على الكرة بالقلعة البيضاء على طرق جمع أموال النادي.. مشيرًا على عدم وجود مشاكل بين محمود شيكابالا وناصر منسي بعد ما حدث في مباراة سموحة.

أحمد سليمان: كل حاجة بين شيكابالا وناصر منسي زي الفل

وقال أحمد سليمان خلال تصريحات عبر برنامج اللعيب على قناة إم بي سي مصر: كل حاجه بين شيكابالا وناصر منسي زي الفل الأمور دي بتحصل في الملعب بشكل طبيعي في غرفة الملابس الأمور مختلفة خالص وكل حاجة بتخلص في دقيقة خلال المعسكرات.. لحظة نرفزة كل لاعيبة الكرة كدة لكن مفيش موضوع من الأساس وما حدث بينهم بيحصل كتير جدا بين اللاعبين.

سليمان: فلوسنا بنجيبها من الشركات الراعية وتبرعات محبي الزمالك وممدوح عباس

وأشار سليمان: فلوسنا وفلوس الغرامات بنجيبها من بطولتنا والشركه الراعيه والأمور التسويقية وتبرعات محبي الزمالك وأستاذ ممدوح عباس.. وصفقتنا على قد إمكانياتنا، ولولا الغرامات اللي علينا كنا هنكتسح البطولات ونجيب صفقات كوالتي عالي اوي.

سليمان: سيف الجزيري مستمر معانا وهيجدد

وأتم: كل اللي اتردد عن سيف الدين الجزيري إعلاميا غير صحيح إطلاقا واللاعب مستمر معانا وهيجدد.. وفي حرب وكلاء وناس بتحاول تخبط في لعيبه لحساب لعيبه ثانية.