وليد سليمان: أتعرض عليا مبالغ كبيرة وتريكة نصحني بالإعتزال – الهداف

تحدث لاعب فريق كرة القدم السابق بالنادي الأهلي وليد سليمان ورئيس قطاع الناشئين بالنادي الحالي عن كواليس إتخاذ قرار الإعتزال.

وقال وليد سليمان في تصريحات تلفزيونية: ” اللحظة الأخيرة في الاهلي كانت صعبة جدًا روحت في توقيت مش موجود فيه اللعيبة علشان الموضوع ميبقاش صعب عليا جدا لقيت العمال وكانت بتربطني بيهم علاقة كويسة وبعد معاهم علطول وكان صعب وانا بودعهم وشوفت في عينهم دموع وكانت لحظة صعبة روحت البيت مش عارف اتكلم حسيت ان ال ١١ سنة عدو عليا كأنهم سنة”.

وتابع: “أتعرض عليا أندية وكلمني كابتن علي ماهر وكابتن أحمد سامي في سموحة ولكن انا كان صعب البس تيشيرت غير الأهلي واتعرض عليا مبالغ كتير واخدت رأي ناس كتير وراي ابو تريكة وقالي لا مينفعش تلعب في حتة تانية واعتزل وانت واقف على رجلك”.

وأضاف: ” أبو تريكة بيحب يساعد كل القريبين منه وعلاقتي بيه من قبل ماجي النادي وبحب اخد رايه وباخد بنصيحته وقالي انت حاجة كبيرة جوة الأهلي ومينفعش تضيع ١١ سنة”.