لم أجد تقدير.. نجم الأهلي يعلن سر رحيله عن الزمالك

وقال إمام عاشور في تصريحات ببرنامج “حارس الأهلي” على قناة الأهلي: “مجيئي من الاحتراف خطوة انا زعلان عليها بس ربنا بيعوض ودلوقت انا في احسن نادي في افريقيا، ولما روحت ميتلاند كان اول ماتش يوروبا ليج كنا هنلاعب سبورتنيج في البرتغال اتمرنت تمرينة واحدة نزلت الماتش ربنا كرمني.

وتابع: الاجواء معرفتش أتأقلم كل حاجة مختلفة ومحدش كان عربي ومعرفتش اتأقلم لحد ما جات الاصابة، كنت انا ساعتها مقرر همشي أو هرجع كلمت احمد يحيي وقولتلهم هرجع قالولي هترجع علي فين لحد اللحظة دي مكنش في اي حاجة”.

وأضاف: “يحيى قالي امير توفيق عاوز يطمن عليك وكلمني يطمن عليا وقالي انت لو عوزت حاجة كلمني ومقاليش اي كلمة عن الاهلي قفلت رجعت مصر كلمت كباتن في الزمالك قولتلهم انا راجع النادي مكنش في اي حد كلمني من الاهلي لما رجعت كلمت حد في الزمالك اني عاوز ارجع قالولي طيب حاضر انا لو مش عاوزك انا مش هجيلك فضلت في النادي شهر ونص محدش بيسأل”.

واختتم: “مسئول فني في الزمالك قالي طيب ما تدفع انت الفلوس الاتنين مليون دولار، وتعالى، ادفع منين، وفضلت اكتر من شهر مفيش جديد، ولقيت احمد يحيي قالي امير توفيق عاوزك، الراجل كلمني بشكل كويس، مفيش حد في مصر هيجيله النادي الأهلي وهيرفضه ولما ملقتش مفيش تقدير في الزمالك وأول ما امير كلمني، قفلت قصة الزمالك خالص، هما بعديها بدأوا كيلموني وفي لاعيبة زعلت اني مكنتش برد عليهم طيب ما انت مكنتش بترد عليا، بعديها قولتله وعد خلاص وانا ليا الشرف اني العب في الاهلي وكل حاجة خلصت وكانت مفاجأة ليا إن أمير كلمني”.